Нэг нутгийн ахан дүүс, ахмад буурлууд, залуус маань нэгэн дор цугларч, амар мэндээ мэдэлцэн, нутгийнхаа хөгжил дэвшлийн талаар санал бодлоо солилцож, эв нэгдэл, нөхөрлөлийн сайхан уур амьсгалыг бүрдүүлсэн дурсамж дүүрэн уулзалт боллоо.

Энэ үеэр нутгийн зон олонтойгоо уулзан золгож, арга хэмжээнд хүрэлцэн ирсэн Улсын Их Хурлын гишүүн Л.Мөнхбаясгалан, Өмнөговь аймгийн Засаг дарга Н.Энхбат болон бусад зочид, төлөөлөгчдөд нутгийн нэгэн ахан дүүсийнхээ өмнөөс чин сэтгэлийн талархал илэрхийлье.

Мөн цаг заваа гарган хүрэлцэн ирж, уулзалтыг маань хүндэтгэсэн нутгийн зон олондоо чин сэтгэлийн талархал илэрхийлье. Та бүхний оролцоо энэхүү уулзалтыг илүү утга учиртай, дурсамж дүүрэн болголоо.

Арга хэмжээг зохион байгуулж, хамтран ажилласан Нутгийн зөвлөлийн хамт олондоо гүн талархал илэрхийлье.

Баяндалай нутгийн минь хийморь үргэлж өөдөө байж, элгэн садан, нутгийн зон олон маань эвтэй найртай, элбэг дэлбэг, аз жаргал дүүрэн байх болтугай.